Heqja e arrestit për Berishën/ Kume: Në 13:30 kreu i PD-së shkon në seli në një takim me strukturat e partisë (VIDEO)

GJKKO mori sot vendimin për lirimin e Sali Berishës, i cili ndodhej në arrest shtëpie prej datës 30 Dhjetor 2023.

GJKKO vlerësoi se  kreut të PD-së duhet ti hiqet masa kufizuese dhe të lihet i lirë.

Siç raporton për ‘MCN live”, gazetari Mariglen Kume, strukturat e PD-së janë lajmëruar se kryedemokrati do të mbërrijë në selinë blu në orën 13:30.

Sipas informacioneve që kam, strukturat e PD-së përmes një mesazhi janë lajmëruar sot se kryedemokrati do të mbërrijë në selinë blu në orën 13:30.

Në orën 13.30 të gjithë selia qendrore e PDSH për të pritur Liderin tone historik”, thuhet në mesazhin e dërguar drejt demokratëve.

Ndërkohë Berisha vazhdon takimin me avokatë e tij për tu konsoliduar rreth vendimit që ka marrë GJKKO dhe për të pasur më të qartë në opinionin juridik se çfarë ka ndodhur dhe se çfarë parashikon vendimi që u mor sot për revokimin rreth masës së sigurisë së tij.