Kuvendi i Republikës së Maqedonisë së Veriut miratoi sonte propozim-ndryshimet e Ligjit për Regjistrimin e Popullsisë, me çka shtyhet proseci i regjistrimit në vend.
Pas shumë debateve në seancën e sontme, pro shtyrjes së regjistrimit votuan 95 deputetë, ndërsa 12 ishin kundër. Gjithashtu u miratua dhe shtyrja e zhvillimit të zgjedhjeve lokale për në gjysmën e dytë të muajit tetor.
Dy kryetarët e partive më të mëdha maqedonase LSDM dhe VMRO DPMNE, Zoran Zaev dhe Hristijan Mickovski, ranë dakord që regjistrimi i popullsisë në Maqedoninë e Veriut të shtyhet për në shtator të këtij viti.
Regjistrimi ishte parashikuar të zhvillohej nga 1 deri më 20 prill, por lideri i opozitës maqedonase, Hristijan Mickoski, kërkoi shtyrjen e këtij procesi për shkak të përkeqësimit të gjendjes epidemiologjike nga COVID-19.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
