Edona Bilali, kandidatja për deputete e PS-së në Shkodër foli sot nga emisioni “Arnautistan” në MCN TV për përfshirjen e saj në politikë dhe fushatën elektorale në Shkodër.
E pyetur nga drejtuesi i emisionit Mustafa Nano nëse “i keni bërë llogaritë mirë kur i është futur politikës”, Edona Bilali tha se pavarësisht rezervave që ka pasur për politikën që nga ndjekur nga televizori, ka vendosur të jetë pjesë për të dhënë kontributin e saj dhe të mos gjykojë nga kafenetë.
Pjesë nga diskutimi:
Ju jeni e prerë për politikë?
Bilali: Unë jam e prerë për të bërë punën, për politikën do duhet punë për ti treguar publikut.
I keni bërë llogaritë mirë? Sepse bën vaki që ajo nga gjëja më e fisme mund të ndodhë të jetë gjëja më pak e fisme në parlament.
Bilali: Duke parë listat e PS mendoj se jemi një grup i mirë dhe ajo pjesë e të ndjerit në vendin e gabuar i përket së shkuarës. Unë e kam ndjekur politikën nga televizioni dhe kam pasur rezerva. Por kur të jepet mundësia mund të provosh veten ose të gjykosh nga kafenetë.
Para disa ditësh u bë lajm që Paulin Sterkaj përqafoi një kandidate të PD dhe ishte një gjest normal por duke qenë se politika është karakterizuar nga konfliktualiteti u duk uau.
Bilali: E tillë ka qenë ed gjithë situata në fakt. Përshëndetjet dhe batutat kanë qenë prezentë. Marrëdhënia ka qenë miqësore dhe një nga synimet tona ka qenë pikërisht kjo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
