Pasdite mblidhet parlamenti, deputetët e opozitës paralajmërojnë për ndërprerje të seancës nëse s’marrin garanci për komisionet hetimore

Deputetët opozitarë të përjashtuar do të mund të marrin pjesë në seancën parlamentare që do të zhvillohet pasditen e kësaj të hëne.

Gazetari i MCN Tv, Andon Kello në një lidhje me studion e lajmeve tha se deputetët e grupit të Bardhit dhe të Berishës do të mblidhen 30 minuta para parlamentit për të hyrë së bashku në seancën plenare. 

Deputetët e grupit Bardhi dhe Berisha do të mblidhen 30 minuta para parlamentit për të hyrë së bashku në seancën plenare.

Skenari kryesor për përplasje me gardistët ka rënë, por deputetët kanë paralajmëruar se në rast se nuk respektohet minutazhi dhe nëse nuk marrin garanci për ngritjen e komisioneve hetimore dhe sot do të ketë ndërprerje të punime të Kuvendit si herën e kaluar kur deputetët zunë vendin e ministrave dhe kryeministrit.

Po ashtu gazetari tha se nuk përjashtohet një përplasje mes deputetëve të opozitës dhe mazhorancës.