Deputetja e Partisë Demokratike Grida Duma nuk mundi të përballej me kryebashkiakun Erion Veliaj në seancën e parë pajtimore në gjykatën e posaçme.
U fut e vetme në sallë, por qëndroi vetëm pak minuta. Shkak ishte njoftimi që mori nga trupa gjykuese për shtyrjen e seancës gjyqësore, kërkuar nga kreu i bashkisë Veliaj.
Në dalje deputetja Duma pranoi të fliste për gazetarët dhe shpjegonte arsyet pse ka vendosur të jetë e pranishme në çdo seancë gjyqësore.
Nuk ka për t’u paraqitur, se përballja me të vërtetën e ka të vështirë. Do të vijojë nuk dhamë dakordësi për pajtimin. E vërteta duhet të kthehet në institucion. Gënjejmë, premtojmë, japim mashtrime dhe ia mpimë shqisat të gjithëve se çdo gjë e gënjeshtërt fiton në këtë vend. Kjo betejë nis nga vlera e fjalës, vërtetësia e saj. Kur njeriu beson fjalën, vepron mbi atë. Ata që besojnë gënjeshtra, bën veprimin e gabuar.
Duma depozitoi padinë për shpifje kundër Erion Veliaj në mars të këtij viti. Ajo kërkoi nga kryebashkiaku të vërtetojë para drejtësisë akuzat e hedhura ndaj saj si trafikante apartamentesh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
