Ish-Kryeministri Sali Berisha ka çelur fushatën zgjedhore në Durrës. Ai u kërkoi qytetarëve durrsakë të votojnë kandidatin e koalicionit “Shtëpia e Lirisë”, Ardian Muka.
Berisha tha se demokratët nuk duhet të votojnë për kandidatin e PD, pasi sipas tij Basha vijon të jetë peng i Ramës.
“Mos ngatërrojmë me logon që ka konfiskuar, ka rrëmyer Edi Rama për të mashtruar demorkatët dhe demorktet për Lul Bravën. Kujtonuni pak për atë tjetrin, luan monopolin. A e dini ju që vjen këtu me monopolin e Edi Ramës për portet? Lulzim brava e sjellin këtu për të kërkuar votën. Unë u bëj thirrje demokratëve të Manzës, u bëj thirrje të gjithë atyre që kanë votuar më 25 prill deputeten e PD, asnjë votë për Luan Hotin. Koha tregon se brava është një peng i mjerë i Edi Ramës. Përfaqësuesja e Edi Ramës, nuk vjen rastësisht ajo kandidate. Ajo është kryeinspektorja e të gjitha ndërtimeve të dëmtuara në tërmetin e Shtatorit 2019. Ju e dini shumë mirë se ishin pikërisht ndërtesat e dëmtuara në vitin 2019, që morën shpirtrat e qytetarëve në tërmetin e Nëntorit sepse kjo u tregua e papërgjegjshme, sepse banesat e pabanueshme nuk u nxorën banorët të sistemoheshin, por u lanë aty që një tërmet tjetër t’u merrte jetën”, tha Berisha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
