“Të shfuqizohen ndryshimet në Kodin Zgjedhor”/ Nisma Thurje padi në Kushtetuese

Kreu i Nismës Thurje, Endri Shabani ka dorëzuar në Kushtetuese padinë për ndryshimet në Kodin Zgjedhor.

Në një deklaratë për media Shabani tha se të drejtën për të zgjedhur deputetët nuk duhet ta kenë Rama dhe Berisha.

“Ne po ja adresojmë Gjykatës Kushtetuese këto ndryshime për t’i shfuqizuar për disa arsye, por e para në thelb, është kush e ka pushtetin për të zgjedhur deputetet. Rama dhe Berisha mendojnë se këtë të drejtë e kanë ata të dy. Ata vendosin kush do shkojë në Parlament dhe deputetët i përgjigjen atyre. Ne besojmë që kjo është e drejtë kushtetuese e shqiptarëve. Problemi i dytë është imponim që i bëjnë jo vetëm votuesve të vetë, por edhe votuesve të Nismës Thurje apo Shqipëria Bëhet. Ata detyrojnë çdo subjekt që të futen në zgjedhje me lista të mbyllura. Ka edhe një parim që ka të bëjë me sigurinë juridike”, tha Shabani.