Ish-ministri Turizmit, Kulturës, Rinisë dhe Sporteve në periudhën 2007-2009, Ylli Pango ka nisur dëshminë e tij në procesin gjyqësor që lidhet me dosjen ‘Partizani’.
Gjatë përgjigjeve të tij, Pango deklaroi në disa raste se nuk i kujtonte me saktësi veprimet dhe procedurat e kryera rreth 18 vite më parë.
Sipas tij, përgjegjësia për çështjet që lidhen me sportin nuk i takonte drejtpërdrejt ministrit, por drejtuesve të institucioneve përkatëse. Ai theksoi se në atë periudhë përgjegjës për sportet ishte Armando Duka.
“Edhe pse isha ministër në qeverinë e asaj kohe, përgjegjësia për sportet i takonte Armando Dukës. Duka ishte i zgjedhur, ndërsa unë i emëruar. Nuk kisha asnjë pushtet mbi të”, deklaroi Pango para gjykatës.
Ish-ministri shtoi gjithashtu se asetet publike nuk ishin në varësi të ministrisë që ai drejtonte, por përbënin pronësi dhe përgjegjësi të ministrisë së ngarkuar me ekonominë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
