“Pse ra miti i paprekshmërisë së medias?”, Abilekaj: Këtë situatë e ka sjellë vullneti politik i një qeverie që e sheh krimin si partner

Analisti Enton Abilekaj tha në studion e emisionit “Të Paekspozuarit” se miti që një media nuk preket ka rënë dhe se kjo gjë i intereson krimit dhe politikës.

Duke vijuar më tej me shpjegimin e tij Abilekaj tha se situatën në të cilën ndodhet vendi sot e ka sjellë vullneti politik i një qeverie që e sheh krimin si partner. 

Nuk është policia problemi, dhe në rastin e “Dos Boskos”. Policia do kohën e vet për hetimet sidomos për atentate mafioze, kemi një pistë që e dimë të gjithë. Një institucion mediatik, jo pronarët, jo gazetarët është goditur me kallashnikov.

Pse ra miti i paprekshmërisë së një institucioni mediatik? Si mund të rikthehet ky mit? Mediat kanë dhënë një kontribut, nuk janë mediat problemi,  janë pasqyrë e shoqërisë, nuk mund të fajësojmë mediat për problemet e këtij vendi. Ky mit i intereson vetëm krimit dhe politikës që janë objekt i medias. Këtë situatë e ka sjellë vullneti politik i një qeverie që e sheh krimin si partner.

Kemi të bëjmë me një qeveri që krijon burime për krimin.