Kërkesa për arrestimin e Ahmetajt, Bardhi: I vonuar dhe i paplotë, SPAK të hetojë dhe Ramën

Kryetari i grupit parlamentar të Partisë Demokratike, Gazment Bardhi, reagon lidhur me kërkesën e SPAK për arrestimin e ish-zëvendëskryeministrit Arben Ahmetaj. Ai thotë se kërkesa për të çuar Arben Ahmetaj para drejtësisë për aferën korruptive të incineratorëve është një veprim i drejtë, por i vonuar dhe i paplotë. “SPAK duhet t’i shkojë deri në fund kësaj afere, duke bërë një hetim të plotë dhe të gjithëanshëm deri tek kreu i aferës korruptive, Edi Rama. Së bashku, ata kanë kryer disa nga veprat më monstruoze të korrupsionit qeveritar në 3 dekadat e fundit. I kërkoj kryetares së Kuvendit të mbledhë pa vonesë sot Këshillin e Mandatave. SPAK-ut i duhet dhënë menjëherë akses për kontrollin personal dhe të banesës së ish-zëvendëskryeministrit.”