Ish-Presidenti i Francës, François Hollande, ka mbërritur në Shqipëri për një vizitë zyrtare dyditore, e realizuar me ftesë të studentëve të Kolegjit të Evropës në kampusin e Tiranës.
Vizita e tij vjen në një moment të rëndësishëm për procesin e integrimit evropian të vendit dhe pritet të shoqërohet me një sërë aktivitetesh akademike dhe institucionale.
Hollande, i cili aktualisht është anëtar i Komitetit të Punëve të Jashtme në Asamblenë Kombëtare të Francës, do të zhvillojë takime me përfaqësues të institucioneve shqiptare, si dhe me personalitete të botës akademike dhe diplomatike.
Në qendër të diskutimeve do të jetë rruga e Shqipërisë drejt anëtarësimit në Bashkimin Evropian, sfidat dhe reformat që shoqërojnë këtë proces, si dhe mbështetja që vendet anëtare të BE-së mund të ofrojnë për avancimin e negociatave.
Gjatë qëndrimit të tij në Tiranë, ish-kreu i shtetit francez pritet të ndajë përvojën e tij mbi çështjet evropiane dhe zhvillimet ndërkombëtare, duke kontribuar në debatin mbi të ardhmen e integrimit evropian në rajonin e Ballkanit Perëndimor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
