Kryetari i grupit parlamentar të PS-së, Taulant Balla, e vlerëson si të sinqertë ftesën e kryeministrit Rama për opozitën në tryezën e reformës zgjedhore. Balla tha se pjesëmarrja e të gjitha palëve në tryezën e reformës është e domosdoshme.
“Ajo që ka bërë dje kryeministri Rama është një shprehje e gatishmërisë sonë, në komisionin e reformës zgjedhore të jetë zëri apo kërkesat që burojnë nga PD dhe aleatët e saj. Të gjitha palët duhet të kuptojnë se ne jemi kundërshtar, por kur bie fjala tek reforma secili duhet të japë mendimet e veta që zgjedhjet e qershorit 2021 të zhvillohen me ndryshimet e reja në Kodin Zgjedhor”, tha Balla.
Ndërsa lidhur me kërkesën e Partisë Demokratike, e cila kushtëzoi dialogun me largimin e deputetit Damian Gjiknuri nga kreu i komisionit, Balla u shpreh se Gjiknuri është eksperti më i mirë i reformave.
“Gjiknuri duhet ta themi se është eksperti më i mirë i reformave zgjedhore shumëvjeçare në vend. Është një eksperiencë ndaj mënyrës së përkthimeve të raporteve të OSBE-ODIHR në amendamente”, vijoi më tej Balla.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
