Partia Socialiste ka dorëzuar në Kolegjin Zgjedhor katër padi për rezultatin e 30 qershorit. Mësohet se PS ka kërkuar nga Kolegji shpërndarjen e mandateve për 4 këshillat bashkiakë.
Padia e Partisë Socialiste është për bashkitë: Ura Vajgurore, Konispol, Devoll dhe Kuçovë.
Partia Socialiste i kërkon Kolegjit Zgjedhor që të shprehet, pasi KQZ nuk mundi t’i shpërndajë mandatet.
Gjithashtu bëhet me dije se PS kërkon shpërndarjen e mandateve të këshillave bashkiakë, pasi Komisioni Qendror i Zgjedhjeve nuk i shpërndau.
Shpërndarja e mandateve për këshillat bashkiakë bëhet nëse merr 5 vota nga KQZ, por kreu i saj Klement Zguri votoi kundër.
Partia Socialiste do të dërgojë në Kolegjin Zgjedhor padi për të gjitha bashkitë e djathta.
Kryetarët e rinj të bashkive nuk nisin dot detyrën pa u betuar në këshillin bashkiak.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
