Gazetari Andi Tela, në emisionin “Të Paekspozuarit” në MCN TV, ka komentuar protestën e fundit të Partisë Demokratike dhe mënyrën e ndërhyrjes së policisë, duke theksuar se si ndryshimet në skenar dhe sjellja e forcave të rendit kanë ndikuar në pjesëmarrjen e qytetarëve.
Sipas Telës, përdorimi i skenarëve të mëparshëm të protestave dhe episodet e dhunshme kanë sjellë një ulje të pjesëmarrjes qytetare.
Dhe protestat e fundit, sigurisht që nga ato lëvizjet nëpër qytet me molotovët, me përplasje me policinë, i kanë tkurrur njerëzit… Rikthimi te skenarët e mëparshëm tregojnë një tkurrje të njerëzve.
Ai shtoi se edhe qasja e policisë ka ndryshuar, por sipas tij ndërhyrjet kanë qenë të ashpra dhe jo proporcionale, përfshirë edhe ndaj deputetëve të opozitës.
Kishte ndryshuar skenari edhe nga ana e policisë… pamë skena dhune edhe ndaj deputetëve, edhe qytetarëve… mënyra se si reagoi policia përsëri ishte jo proporcionale.
Tela nënvizoi gjithashtu se, sipas tij, protesta nuk mund të identifikohet si e dhunshme në vetvete dhe se një parti politike nuk duhet të karakterizohet nga përdorimi i mjeteve të dhunshme.
Partia Demokratike… nuk është parti e molotovit, pra nuk duhet të jetë parti e molotovit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
