Elektorati gri është ai që kandidatja e PSD-së në Gjirokastër, Anduela Caca, synon ta ketë mbështetje në zgjedhjet e 25 prillit. Në studion e lajmeve në MCN TV, përmes një lidhjeje Skype, Caca tha se numri i të pakënaqurve është rritur në qarkun e Gjirokastrës.
Në Gjirokastër duke parë ndryshimet e fundit dhe ikjen e njerëzve, por edhe mosfunksionimin e universitetit është krijuar një pjesë e pakënaqur e elektoratit. Unë mendoj që kjo pjesë dhe intelektualët që mendojnë ndryshe do të jenë mbështetësit e mi.
Caca tha se deputetët që kanë përfaqësuar Gjirokastrën në Parlament e kanë shkëputur lidhjen me elektoratin.
Këta deputetë janë turistë fundjave në Gjirokastër. Zhvillimi nuk vjen vetvetiu.
E pyetur nëse fakti që kreu i PSD-së është në listën e personave non grata në SHBA do ta dëmtojë PSD-në, Caca tha se është elektorati ai që vendos me votë.
Mendoj se elektorati i PSD nuk është krijuar vitet e fundit. Është prej 30 vitesh dhe kjo parti e ka treguar kontributin e saj. PSD ka vendosur balancat në politikën shqiptare. Ambasadorët e BE kanë thënë që votuesi vendos dhe është elektorati ai që vendos në këto zgjedhje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
