Kreu i Partisë Demokratike, Lulzim Basha të premten zhvilloi një takim me ministrin e Jashtëm të Hungarisë, duke e falenderuar atë për ndihmën me pajisje mbrojtëse.
Basha i kërkoi ministrit të Jashtëm hungarez që të shikojnë më shumë mundësinë për të ndihmuar Shqipërinë.
"Mirënjohje për Hungarinë, kryeministrin Orban dhe ministrin e jashtëm Péter Szijjártó për ndihmën e çmuar për pajisje mbrojtëse në këto ditë të vështira për vendin tonë, ku po rritet çdo ditë numri i të infektuarve në radhët e stafeve mjekësore. E falënderova personalisht ministrin Szijjártó dhe i kërkova të shohë mundësinë për të ndihmuar edhe më tej Shqipërinë e cila sot po përballet edhe me një krizë të madhe ekonomike, ku papunësia dhe pamundësia e qytetarëve për të siguruar ushqimin e përditshëm rritet çdo ditë", tha Basha.
Kryedemokrati theksoi se ndihma e sjellë sot nga ministri i Jashtëm i Hungarisë është ndër më të mëdhatë për Shqipërinë.
Sipas tij, vendi ynë ende nuk e ka zbatuar vendimin për paketën e parë të ndihmës, ndërsa paketa e dytë, nuk ka hyrë ende në fuqi.
Kujtojmë se Hungaria ka vendosur një fond prej 30 miliardë euro ose 22% të prodhimit vendas për të ndihmuar qytetarët dhe ekonominë e vendit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
