Ka nisur me debate seanca e sotme e Kuvendit, gjatë së cilës deputeti Kujtim Gjuzi është ankuar për procesin zgjedhor të 25 prillit, tek kryeparlamentari Gramoz Ruçi.
Ai u shpreh se është ankuar për numrin e votave të pavlefshme, duke shtuar se iu drejtuar kryeprokurorit Olsian Çela që të nisë hetimet.
Poashtu Gjuzi e ka quajtur të nxituar seancën e sotme dhe se programi ka ngarkesë sipas tij, duke shtuar se i janë ndërprerë minutazhet.
„Sot jemi me 7 maj dhe pikërisht dy vite më parë ngritëm opozitën e re. Në fakt jemi opozitë e hershme me ju. Ka një nxitim me seancën plenare. Ngarkesa është super e madhe dhe programi i njoftimit është as 24 orë. Ishim këtu 2 vite së bashku, ishim korrekt me ju. Ju nuk jeni korrekt me ne. Ne keni ndërprerë minutazhet. E kemi të reduktuar dhe nuk kemi pasur mundësinë të përçojmë të vërtetën 100%. Zoti kryetar ju me 25 prill 2021, lejuat kryeministrin që të na mbante në kontroll. Në këto kushte unë protestoj. I drejtohem kryeprokurorit Olsion Çela që të fillojë hetimet lidhur me zgjedhjet. 83 mijë qytetarë s’ka shanse të mos dinin, me ato kutiçkat, këtë ju e bëtë qëllimisht e hoqë emrat e profesorëve të nderuar se keni frikë”,
Ndërsa kryetari i Kuvendit, Gramoz Ruçi tha se koha e debatit është vendim për arsye të pandemisë, ndërsa sa i përket ankesave për kohën tha se duhet të drejtohet tek institucionet përkatëse.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
