Komisioneri për zgjerimin në BE, Oliver Varhelyi, ka komentuar vendimin e Parlamentit të Bullgarisë për të miratuar propozimin e Francës për të hequr veton ndaj Maqedonisë së Veriut.
“Mirëpresim vendimin ndërpartiak të parlamentit bullgar që jep mandat të qartë për miratimin e propozimit francez. Tani na duhet vendimi i BE-së për të mbajtur Konferencën e parë ndërqeveritare me Maqedoninë e Veriut dhe Shqipërinë. Evropa ec përpara!”, tha Varhelyi.
Kujtojmë që vendimi u miratua me 170 vota pro dhe 37 kundër. Më herët pati reagime dhe kundërreagime nga kryeministri Rama dhe ministria e Jashtme bullgare lidhur me deklaratat e bëra dje nga kreu i qeverisë shqiptare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
