Kryetari i Partisë Demokratike Lulzim Basha, sapo u kthye nga vizita në Shtetet e Bashkuara të Amerikës, i është bashkuar protestuesve në çadrën e opozitës në bulevard.
Duke folur para të pranishëmve, Basha ka deklaruar se gjatë takimeve të zhvilluara nga Uashington ka marrë 3 mesazhe nga zyrtarët amerikanë, përfshirë ata të administratës Trump.
“Mesazhi i parë nga vizita në SHBA është përgëzimi për qytetarët shqiptarë, për këtë qëndresë të jashtëzakonshme, për këtë kauzë të madhe që i ndan kombet e civilizuara nga ato të pacivilizuara. Mesazhi i dytë janë falenderimet për qëndresën tuaj. Mesazhi i tretë është ai i mbështetjes totale të miqve tanë. Morëm mbështetjen e gjithanshme të PD nga ekipi fitues i presidentit Trump”, ka thënë Basha.
Ai ka përsëritur qëndrimin e opozitës për largimin e kryeministrit Rama dhe krijimin e një qeverie teknike që do të garantojë zgjedhje të lira e të ndershme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
