Ndërkohë që kryeministri Edi Rama nuk ka reaguar për studentët por ka ironizuar kreun e opozitës dhe protestat që janë mbajtur në disa qytete të vendit.
Kreu i qeverisë me anë të një cicërime në "Twitter" shkruan se Basha maskoi militantët e PD si studentë në mënyrë që të bllokojë rrugët.
Rama i drejtohet Bashës me fjalët “artist” si e katandise opozitën dhe me pas i thotë “Astir boja”.
“Eh Artist si e katandise opozitën! Të rinjtë e PD maskohen si studentë se ndryshe i përzënë; dega e Fierit zë rrugën me jelekë të verdhë sikur i merr porositë nga Parisi;bashkia e Kukësit shfaqet si grup biznesmenësh të vegjël që duan dyqan pa kasë; ndërsa ti vetë të Astir Boja”, shkruan Rama.
Kryeministri Edi Rama më herët reagoi lidhur me protestën e studentëve, por këtë herë ai përdori Instgram-in duke vazhduar me thirjen e tij për të dialoguar me studentët.
“GJITHÇKA NA DUHET ESHTE TE FLASIM – Parrulla e njërës prej protestave më madhështore të vitit 2018 në Europë…”, shkruan Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
