Një raport i hartuar nga Parlamenti Europian mbi mediat në Ballkanin Perëndimor dhe raportin e tyre me lajmet e rreme dhe dezinformimin e sheh median në Shqipëri të lidhur ngushtë me politikën. Raporti konstaton se në rastin e Shqipërisë, dezinformimi ndodh për dy arsye: komerciale dhe politike.
Në raport sillet rasti i marsit të këtij viti, kur kyeministri Rama u detyrua të kërkonte falje pasi publikoi videot për dhunën e policisë spanjolle për të frenuar përhapjen e Covid-19, lajm që më pas rezultoi i rremë, pasi u zbulua se videoja nuk kishte lidhje as me Spanjën dhe as me situatën e Covid-19.
“Politikanë të shumtë në të gjithë spektrin, përfshirë kryeministrin Edi Rama, akuzohen se kanë përdorur dezinformata për të rritur shikueshmërinë dhe qëndrimin e tyre, ose ndonjëherë madje pa ndonjë qëllim të veçantë fare. Në fakt, Rama u detyrua të kërkonte falje publike në mars 2020 për akuzat e sajuara sipas të cilave zyrtarët spanjollë po vendosnin taktika të dhunshme policore për të ndaluar përhapjen e tyre COVID-19”, thuhet në raport.
Më tej, raporti konstaton “luftën” e qeverisë dhe miqve të saj kundër gazetarëve investigativë dhe aktivistëve të shoqërisë civile.
Duke iu referuar të dhënave nga Facebook-u, raporti thekson se edhe mediat më të mëdha janë kanale të rëndësishme për shpërndarjen e dezinformimit: Top Channel, në pronësi të Vjollca Hoxhës dhe Ora Neës, në pronësi të Ylli Ndroqit, “një oligark i akuzuar për trafik droge”. Por lista përfshin gjithashtu media print dhe online me reputacion për gazetari me cilësi të lartë, të pavarur dhe hulumtuese, JOQ Albania dhe Gazeta TemA.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
