Kryeministri Rama ka falënderuar sot trupat e Forcave të Armatosura për punën e bërë gjatë situatës që krijuan përmbytjet. Rama tha se do të vendosë një shpërblim si mirënjohje për përballimin me sukses të situatës. Po ashtu, Rama premtoi rritje të pagës së ushtarakëve, një rritje që pritet të shihet në vitin 2019.
“Pavarësisht nivelit të lartë profesional dhe nivelit të lartë patriotik tuajin, ne nuk kemi arritur dot t’ju shpërblejmë si e meritoni, dhe mbi të gjitha që të mbyllim hendekun e pajustifikuar mes jush e Policisë së Shtetit, kur vjen fjala për shpërblim financiar, i cili s’mund të arrijë kurrë deri aty ku ju meritoni, se ajo që bëni ju, nuk mund të shpërblehet kurrë financiarisht, por është kuptimplotë. Sot qeveria do vendosë një shpërblim si shprehje mirënjohje për të gjithë ata që u përfshinë në emergjencën e rrezikshme, në mënyrë që të gjithë familjet e ushtarakëve, në radhë të parë për ata që ishin në vijën e zjarrit. Ata duhet të ndihen mirë këtë fundvit. Dhe sot angazhohem që viti 2018 do të jetë i fundit në të cilin buxheti i shtetit do të ketë rrogat ekzistuese. Rritja e konsiderueshme e të gjitha pagave për ushtarakët në vitin 2019”, tha Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
