Forcat e Armatosura janë angazhuar në shuarjen e zjarreve në Lezhë, Pukë dhe Elbasan. Ministrja e Mbrojtjes, Mimi Kodheli, ka postuar në profilin e saj foto nga operacionet për shuarjen e zjarreve.
“Vera po ikën, por zjarret e qëllimshme vijojnë të djegin sipërfaqe të tëra të gjelbra, nga veriu në jug.
Kësaj radhe Forcat e Armatosura të Shqipërisë u angazhuan për shuarjen e vatrave të zjarreve në #Zejmen të Lezhës, #Karmë të Pukës dhe #LabinotFushë të Elbasanit”, shkruan Kodheli.
Kodheli mban detyrën e ministres së Mbrojtjes deri në dekretimin e qeverisë së re nga presidenti Meta, që pasohet nga betimi në Kuvend.
Vendin e saj në krye të Ministrisë së Mbrojtjes e zë Olta Xhaçka, e cila në muajt e fundit ka mbajtur postin e ministres së Mirëqenies, pas shkarkimit të Blendi Klosit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
