PDIU hap zyrtarisht fushatë, Idrizi: Vota për Dashamir Tahirin është votë për Vangjel Dulen

Në hapje të fushatës elektorale, kreu i PDIU, Shpëtim Idrizi komentoi edhe listat e kandidatëve për deputetë. Idrizi tha se një votë për Dashamir Tahirin në Vlorë, i cili ndodhet i pesti në listën e PD është një votë për Vangjel Dulen. Ai tha se çamët nuk janë budallenj të votojnë Vangjel Dulen.

“Dashamir Tahiri është i 5 në Vlorë në listat e PD. Po ua them se PD nuk ka marrë më shumë se 4 mandate. I pesti ka qenë gjithmonë përfaqësues i PDIU. Të përshëndesim ata që janë djem, dhe vajza të Çamërisë. Dulja është i treti në listën e PD në Vlorë. Më bën përshtypje se Dulja iku kur një shqiptar i camërisë u bë nënkryetar i Kuvendi, por sot nuk ikën nga lista. Vota për Dashamir Tahirin është votë për Vangjel Dulen. Çamët nuk janë budallenj të votojnë Vangjel Dulen”- tha Idrizi.

Tahiri komentoi edhe mungesën e koalicioneve në këto zgjedhje duke thënë se kjo është një sjellje e pabesë ndaj votuesve.

“Mungesa e koalicioneve është një sjellje e pabesë ndaj votuesve të tyre. Ne nuk trembemi se PDIU nuk është një parti e vogël, por një parti e madhe që e duan këtë vend”- tha ai. 

Kreu i PDIU-së, nuk ka kursyer as thumbat drejtuar kryeministrit dhe liderit të opozitës.