Kryeministri Edi Rama tha në konferencën e fundvitit me gazetarët se 90 për qind e trupit ligjor të BE do të transferohet në trupin ligjor te Shqipërisë përmes inteligjencës artificiale.
Ai vuri në dukje se vendeve të tjera si Kroacisë, u është dashur të angazhojnë armata përkthyesish dhe draftuesish.
“Kemi finalizuar strategjinë kombëtare të Inteligjencës artificiale dhe aktualisht jemi në kushtet kur me AI-në ne po punojmë për transferimin e gjithë të ashtuquajturit trupi ligjor i BE-së në në trupin ligjor të Republikës së Shqipërisë, që do të thotë kryerje e gjithë procesit të integrimit në aspektin legjislativ, për të cilin vendet e tjera më parë kanë angazhuar armata të tëra përkthyesish dhe draftuesish. Ndërkohë që ne këtë punë e bëjmë 90 për qind me AI”.
Ai theksoi futjen e inteligjencës artificiale në prokurime.
“Po vazhdojmë të përgatisim modelin e prokurimeve me AI që do jetë tjetër inovacion. Edhe me këtë do jemi avanguard pasi ky është një problem që e kemi pasur historikisht, tradicionalisht. Nuk bëhen më tendera nga ministritë. Operatori që është krijuar këtë vit do të marr në dy vitet e ardhshme të gjithë volumin e prokurimeve të Republikës së Shqipërisë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
