Përfaqësuesit e PD-së në Komisionin hetimor për sterilizimin kërkuan zgjatjen e afateve të komisionit, me qëllim thirrjen si dëshmitarë të Edi Ramës dhe Vilma Nushit.
Anëtarja e komisionit Ina Zhupa theksoi që paratë për buxhetin e ardhshëm i jep kryeministri.
“Patjetër që do ta pyesim Vilma Nushin sepse merr miliona euro nga taksat e shqiptarëve. Në mbrojtje të interesit publik, dy dëshmitarët kyç Vilma Nushi dhe Edi Rama nuk mund të mos bëhen pjesë e këtij komisioni. Më dilni dhe më thoni që këto para për buxhetin e ardhshëm i jep Beqaj, dhe jam dakord të mos e thërrasim Ramën, por këtë s’e thoni dot. Kështu që miratojmë dy dëshmitarët dhe vendosim datën kur do vijë z.Rama dhe znj.Nushi”.
Ndërkohë kryetarja e komisionit Albana Vokshi tha: “Jam dakord me propozimin e bërë. Ju lutem të kërkohet nga Konferenca e Kryetarëve zgjatja e afateve të komisionit. Të paraqiten dëshmitarët që kanë mbetur pa ezauruar. S’është vetëm Rama dhe Nushi. Vilma Nushi mirë që s’vjen vet, por s’e lë as administratorin të vijë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
