Ministri për Evropën dhe Punët e Jashtme, Ditmir Bushati, thotë se ka vonesa në negociatat me Greqinë, duke shtuar se javën tjetër do të ketë një raund negociatash në nivel ekspertësh. Bushati tha se është e rëndësishme që të ketë një marrëveshje sa më të drejtë, duke theksuar se ka shumë gjëra që mund të na bashkojnë me Greqinë.
"Ka pasur vonesa për shkak të situatës së brendshme, por edhe për shkak të nevojës për një akordim më të mirë nga ana jonë. Javës tjetër do ketë një takim në nivel ekspertësh për kufizimin e zonave detare. I gjithë procesi i bisedimeve me Greqinë, është futur në hullinë e normalitetit. Do të vazhdojmë të komunikojmë me opinionin publik pas çdo raundi bisedimesh dhe nga ana tjetër, jo çdo gjë që ka të bëjë me taktikat e bisedimeve mund t'i komunikohet opinionit publik. Është e rëndësishme që të kemi një marrëveshje sa më të mirë sa më të drejtë dhe sa më të zbatueshme. Ka shumë gjëra që mund të na bashkojnë me Greqinë", theksoi Bushati.
Gjatë një interviste për Zërin e Amerikës, shefi idiplomacisë shqiptare, foli edhe për sa i përket çështjes çame, duke thënë se dy vendet kanë koncepte të ndryshme.
"Çështja çame është e përfshirë në programin politik të qeverisë nga 2013. Mënyra si konceptohet kjo çështje është e ndryshme. Kjo është një çështje e lirive dhe e të drejtave themelore të njeriut. Është një çështje që ka të bëjë me përgjegjësinë individuale, e të drejtave pronësore. Është një çështje që ka të bëjë edhe me të drejtën e kujtesës me atë që ka ndodhur. Ne nuk duhet të mbetemi peng të historisë, por të gjejmë rrugë që zbusin plagët e të kaluarës", deklaroi Bushati.
Bushati ndodhet në Nju Jork për të marrë pjesë në takimin e nivelit të lartë të OKB-së mbi paqen e qëndrueshme. Ministri Bushati foli edhe për hapjen e negociatave dhe tha se Franca dhe Gjermania janë vende që përgjithësisht e thonë të fundit fjalën e tyre për shkak të peshës specifika që kanë në vendim-marrjen e Bashkimit Europian.
Bushati ka komentuar edhe raportin DASH duke thënë se krahas progresit të qenësishëm që ka bërë Shqipëria në fushën e sundimit të së drejtës, reforma në drejtësi, lufta kundër korrupsionit, promovimi i lirive dhe të drejtave të njeriut, ka edhe mangësi, ka edhe sfida përpara. Nuk bëj pjesë në atë grup të politikanëve që do të dëshironin ta lexonin raportin me syze të ndryshme.
Korrupsini thotë Bushati është një sfidë jo vetëm për Shqipërinë, por për të gjitha vendet e rajonit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
