Hashtag.al ka raportuar sonte mbi një zbulim i cili hedh dritë mbi aferën e inceneratorit të Tiranës, bazuar dhe mbi një shkrim të CNA.al. Konkretisht Hashtag.al ka zbuluar se i lidhur me aferën e inceneratorit të Tiranës është edhe Miliad Lopa, i përfshirë në një tryezë të mbajtur më 30 janar 2017, në të cilën kanë marrë pjesë edhe zvkryeministri Erjon Braçe, deputeti i PS-së Ervin Bushati si dhe disa biznesmenë italianë. Kjo vihet re qartasi në axhendën e publikuar nga kryeministri Rama në rrjetet sociale.
Lidhur me inceneratorin e Tiranës, CNA shkruan se bëhet fjalë për një rrjet kompanish në Holandë të cilat kanë të njëjtën adresë dhe që kanë ngritur një skemë për koncesionin e inceneratorit të Tiranës që po zbatohet edhe në Zimbabve, Afrikë. Në shkrim është publikuar një foto gjatë nënshkrimit të marrëveshjes në kryeqytetin e Zimbabvesë, Harare, mes tre personave. Fotoja zbulon një hollësi tejet interesante. Njëri nga tre personat që nënshkruajnë marrëveshjen përveç përfaqësuesit të kompanisë Integrated Energy BV, Giuseppe Ciafaglione e përfaqëuesit të shtetit afrikan, është pikërisht Miliad Lopa.
Marre nga Hashtag.al
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
