Policia e Shtetit ka nisur verifikimin pasuror të ish-kryebashkiakut Agim Kajmaku, për pastrim parash, i cili është shpallur në kërkim para disa ditësh.
Lidhur me këtë çështje, policia përmes një kërkese u ka kërkuar informacion bankave për llogaritë bankare të Kajmakut.
Gjithashtu, kjo kërkesë është dërguar edhe në hipotekë.
Ndërkaq, organ i akuzës ka kërkuar nga Dhoma e Noterëve që të njoftojnë prokurorinë nëse Kajmaku paraqitet për prokurorë.
Më herët, Prokuroria e Tiranës ka lëshuar urdhër-arresti për Agim Kajmakun ish-kryebashkiakun e Vorës të shkarkuar nga Komisioni Qendror i Zgjedhjeve pas deklarimit të rreme në formularin e vetëdeklarimit.
Kujtojmë, që për Kajmakun rëndojnë 3 akuza: “Falsifikimi i dokumenteve zyrtare”, “Falsifikimi i vulave, stampave ose formularëve” dhe “Kryerja e funksionit pas dhënies fund të tij”.
Krahas këtyre akuzave, kryabashkiaku i Vorës është nën hetim edhe për shkarkimin e dy nënkryetarëve të Bashkisë si dhe të emërimit të një tjetër nënkryetari.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
