Partia e Lirisë ka dalë në mbështetje të kërkesës së studentëve për përfshirjen në paketën antikrizë. Studentët kërkojnë një pagesë 100 euro për të përballuar koston e shtuar të jetesës, një shumë që sipas deputetes Erisa Xhixho është pak më shumë se gjysmë kilometri rrugë të ndërtuar me koncesion.
12.5 mln euro, pak më shumë se kostoja e një gjysmë kilometri rrugë me koncesion. Kjo qeveri që i detyron shqiptarët të nxjerrin nga xhepi çdo ditë 80 mijë euro vetëm për bandën e inceneratorëve nuk i paska 100 euro në muaj për 124 mijë studentë të vendit.
Xhixho krahasoi paketën antikrizë të njoftuar nga qeveria “Rama” javën e kaluar me paketën e qeverisë Kurti në Kosovë, e cila i kishte studentët në kategoritë që përfitojnë mbështetje.
Nuk u jep dot atyre as sa ju jep qeveria e Kosovës, e cila u ka dhënë studentëve 100 euro në muaj, me një buxhet shumë më të vogël krahasuar me Shqipërinë.
Kjo qeveri që ka mbledhur 400 milionë euro vetëm nga rritja e çmimit nuk paska mundësi të mbështesë studentët në këtë fillim viti ndërsa ata përballen me qiratë e rritura dhe kostot e shtrenjta të jetës. Kjo qeveri i ka paratë por nuk i ndan me ata që kanë nevojë vërtetë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
