Pas shtyrjes me dy vjet të ligjit për lojrat e fatit qëndrojnë interesa klienteliste të njerëzve të lidhur me Kryeministrin Edi Rama. Kjo ishte deklarata e kryetarit të Partisë Demokratike, Lulzim Basha, i cili theksoi se bëhet fjalë për një skemë përfitimi që arrin deri në 700 milionë dollarë në vit.
Ligji, që synonte të mbyllte të gjitha kaziotë nëpër qytete, e t’i zhvendoste ato në zona turistike, u shty me argumetin se mungojnë aktet nënligjore. Ai u miratua në Shkurt të vitit 2015 dhe prej asaj kohe nuk është nxjerrë asnjë akt nënligjor për ta bërë atë të zbatueshem.
Por Basha tha se jo vetëm për lojrat e fatit, por edhe me koncensionet në shëndetësi, Kryeministri po përdor të njëjtën skemë përfitimi për klientët e tij.
Basha tha se në tre vjet qeverisje, Kryeministri Rama ndërtoi vetëm skema korruptive e kriminale dhe se me largimin e tij, paratë e buxhetit të shtetit do t’u kthehen qytetarëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
