Zbardhet biseda me dyer të mbyllura e kryeministrit Edi Rama në mbledhjen e grupit parlamentar të Partisë Socialiste.
Gazetarja Marsela Karapanço konfirmon për “BalkanWeb” se kryeministri i ka porositur ministrat të jenë më të kujdesshëm në komunikimin me deputetët.
“Mos i vononi emërimet e grupit të deputetëve. Të mos krijohet ideja e mospërfilljes së deputetëve”,- është shprehur Rama siç mëson “BalkanWeb”.
Më herët Rama mbështeti fillimin e procedurave të nisura nga socialistët për shkarkimin e kreut të KQZ-së, Klement Zguri që do pasonin edhe me shkarkimin e kryebashkiakut të Mallakastrës.
Kryeministri po ashtu apeloi nisjen e kontrolleve për kompanitë e mëdha që deklarojnë pagat e punonjësve deri në 300 mijë lekë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
