Gazetari Mariglen Kume ka ngritur dyshime në lidhje me zyrat e PS të hapura në diasporë për t’u asistuar emigrantëve që të regjistrohen për të votuar në zgjedhjet e ardhshme parlamentare.
Duke iu referuar një video të publikuar nga Peleshi në “Facebook”, Kume tha në MCN Live se me këtë mënyrë mund të merren kodet e qytetarëve dhe cenohen të dhënat personale.
“Ka një video që e ka shpërndarë vet Niko Peleshi në Facebook. Ka hapur zyrën PS, me njerëzit e tyre, dhe vijnë emigrantët regjistrohen, dhe nuk e krijojnë vet llogarinë, ia krijojnë ata njerëzit aty! Kjo është qartazi në shkelje sepse janë të dhënat personale. Ata mund t’i kenë të gjitha. Sepse mund të kesh një ‘screen recorder’ aty, dhe mund t’i kesh me kode, me të gjitha”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
