Kryetari i Partisë Demokratike, Sali Berisha në fjalimin e tij të përnatshëm, i ka bërë thirrje qytetarëve të Tiranës që të bashkohen në protestën e radhës që do zhvillohet ditën e nesërme përpara bashkisë së Tiranës.
Ai i ftojë qytetarët që të protestojnë kundër kryetarin Erion Veliaj, duke i nxitur ata që mos ta ndalojnë asnjëherë betejën e tyre.
Miq, beteja me mafien e regjimit është një betejë jo e lehtë, por është një betejë plotësisht e fitueshme dhe ajo ka vetëm një kusht, të vazhdojmë, të vazhdojmë, të vazhdojmë.
Është radha jonë, është radha jonë!
Ky regjim nuk ndalet kurrë po nuk e ndalëm ne.
Ky regjim nuk ka mëshirë, nuk ka ndjenja, e urren shqiptarin dhe shqiptarët.
Duhet përmbysur një minutë e më parë.
Ky regjim përmbyset vetëm atëherë kur ne të protestojmë çdo ditë, të protestojmë në mbarë Shqipërinë.
T’ia dridhim tokën nën këmbë kësaj fare hajdutërish, që po zbrazin Shqipërinë, po dëbojnë shqiptarët nga trojet e tyre.
Ndaj dhe nesër në ora 11:00, qytetare dhe qytetarë tek bashkia, për të kapur për zverku Erion Veliajn.
Beteja jonë nuk ndalet kurrë!
Beteja jonë ka vetëm një objektiv: qeverinë teknike, zgjedhje të lira, zgjedhje të ndershme, fitoren e opozitës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
