Partia Socialiste ka bërë gati një amendament për Kodin Zgjedhor, në të cilin ka përfshirë propozimet e saj dhe ku është pranuar tashmë hapja e plotë e listës së kandidatëve, propozim ky i mëhershëm i Partisë Demokratike.
Amendamenti, i cili pritet të paraqitet për diskutim në mbledhjen që do të zhvillojë sot Këshilli Politik, ka propozime edhe për pragun zgjedhor dhe koalicionet.
Më konkretisht, amendamentet e propozuara nga PS parashikojnë:
PD pati propozuar listë tërësisht të hapur ku kandidatët renditeshin në rend alfabetik e më pas zgjidheshin me votë të përgjithshme.
Ndërkohë PS propozon që partitë të hartojnë listat dhe ato të ndryshojnë në varësi të zgjedhësve, më i votuari të renditet i pari e me radhë.
Sipas PS, kuota 30% për gratë nuk duhet të preket, ndërsa shton se listat duhet të jenë 100% të hapura dhe qytetari voton kandidatin preferencial.
Mazhoranca nuk ka hequr dorë nga ndryshimi i formulës së koalicioneve, duke propozuar që partitë e një koalicioni të garojnë në një listë të vetme.
Në amendamentin e selisë rozë theksohet se, “është detyrë dhe përgjegjësi kushtetuese e Kuvendit të miratojë ndryshimet përkatëse në Kodin Zgjedhor që të zbatojnë përcaktimet kushtetuese në fuqi për çështjet e zgjedhjeve. Amendamentet e propozuara paraqiten dhe kanë pikërisht këtë qëllim”.
PS thekson se këto amendamente përbëjnë platformën më të mirë të mundshme, të konsensusit sa më të gjërë mes mazhorancës qeverisëse, opozitës parlamentare dhe opozitës jashtëparlamentare, për shkak se plotësojnë çdo kërkesë tëartikuluar prej tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
