Analisti Lorenc Vangjeli u shpreh sonte në emisionin “Arnautistan” në MCN TV se ish-lideri i PD Sali Berisha prej 2017-ës ka qenë pengu fatkeq i Lulzim Bashës.
Sipas tij do të zbulohen disa të vërteta dhe një prej tyre është edhe djegia e mandateve që siç u shpreh ai nuk ishte presion ndaj Ramës, por shantazh ndaj amerikanëve të cilët po përgatisnin dosjen e zezë për të dy dhe jo për njërin.
“Ka qenë Berisha pengu fatkeq i Bashës. Do të dalë nesër kjo, është duke u vërtetuar. Do zbulojmë disa të vërteta të thjeshta. Prej 2017-ës ka qenë kështu. Djegia e mandateve ishte një nga gomarllëqet më të mëdha në vend, do zbulojmë se nuk ishte presion ndaj Ramës, por shantazh ndaj amerikanëve të cilët po përgatisnin dosjen e zezë për të dy dhe jo për njërin. Për të parin për dyshimet për përdorimin e fondeve ruse”, tha Vangjeli.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
