Këshilli i Ministrave ka miratuar sot projektligjin për ratifikimin e marrëveshjes së Republikës së Kosovës dhe asaj të Shqipërisë për zbatimin e lehtësirave doganore dhe mallrave, duke e kaluar atë për votim në parlament.
Lajmi u njoftua nga ministrja e Financave Delina Ibrahimaj, në daljen për mediat pas mbledhjes së qeverisë, e cila u shpreh ndër të tjera, se marrëveshja u firmos në mbledhjen e dy qeverive mbajtur në Shqipëri.
Sipas saj dy vendet do të njohin kontrollet e vetëm një vendi duke ulur afatin dhe kohën e kontrollit doganor, ndërsa shtoi se marrëveshja parashikon edhe çeljen e pikës doganore të Kosovës, në portin e Durrësit.
Miratuam projekt ligjin për ratifikimin e marrëveshjes ndërmjet Këshillit të Ministrave të Republikës së Shqipërisë dhe Kosovës, sot kjo marrëveshje shkon në parlament për të gjithë procesin e ratifikimit dhe do të lehtësojë më tutje marrëdhënien e ndërsjellët mes dy vendeve tona, duke njohur të gjithë licensat e të gjithë agjencive doganore në kufi, duke unifikuar kontrollet doganore të të dyja vendeve për procedurat doganore. Të dy vendet do të njohin kontrollet e vetëm një vendi duke ulur afatin dhe kohën e kontrollit doganor. Marrëveshja parashikon çeljen e pikës doganore të Kosovës në portin e Durrësit, por i hapet rrugë të tjerave pika doganore të Kosovës në Shqipëri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
