Zgjedhjet e 30 qershorit 2019 në Bashkinë Lezhë tashmë do të hetohen. Kjo u vendos nga Gjykata e Lezhës, e cila ka detyruar prokurorinë që të regjistrojë procedim penal dhe të hetojë procesin e votimit mbi bazë të një kallëzimi të Partisë Demokratike.
Selia blu në vitin 2019, bëri një kallzim për shpërdorim detyre, falsifikim dokumentesh dhe rezultatesh zgjedhore e disa shkelje të tjera komisionerët dhe numëruesit në KZAZ nr 12 dhe 13.
Rreth një vit nga denoncimi, prokuroria vendosi të mos fillojë hetimin, por gjykata i ka dhënë të drejtë Partisë Demokratike, duke rrëzuar kështu organin e akuzës.
Dega e PD-së në Lezhë ka reaguar pas lajmit që gjykata e këtij rrethi ka kthyer vendimin e prokurorisë duke e detyruar atë të hetojë çështjen e zgjedhjeve të 30 qershorit. PD-thotë se kjo është një mundësi e dytë për prokurorinë, të cilën e inkurajon të jetë e paanshme dhe të mos ndikohet në vendimet e saj.
Në vendimin e prokurorisë Lezhë, thuhej se faktet e referuara për verifikim nuk përbëjnë vepër penale, ndaj ajo vendosi të mos hetojë votimet e 30 qershorit.
Më 18 korrik të 2019, PD çoi në gjykatë çështjen e zgjedhjeve të 30 qershorit, me pretendimin se ata ishin të manipuluara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
