“Mazhoranca synon të shkrijë KLSH-në”. Tabaku e Spaho: Duan të krijojnë Gjykatën e Auditit

<p>Bllokimi qe deputeti Eduard Salsi i bëri miratimit të raportit të Kontrollit të&nbsp;Lartë&nbsp;të&nbsp;Shtetit nga Kuvendi ka ncitur diskutime mbi qëllimin e kësaj lëvizjeje që sipas deputetëve lidhet sa me interesat personale te ligjvenesit socialistë, por edhe me një nismë politike të grupit socialist.</p> <p>Opozita akuzon Partinë Socialiste se po bën çdo përpjekje për të kapur institucionin e Kontrollit të Lartë të Shtetit. Në vazhdën e këtyre përpjekjeve, sipas deputetëve të Partisë Demokratike është edhe mbajtja peng e rezolutës me rekomandimet që do duhet të miratohej këtë të premte në seancën e fundit parlamentar për këtë sesion. Për deputetët e opozitës, Jorida Tabaku dhe Edmond Spaho, PS po shkel çdo ligj për t'i bërë presion kreut të KLSH.</p> <p><a href="https://www.fibank.al/individe/depozita-dhe-investime/depozita/depozita-e-hapur" target="_blank"><img alt height="100" src="https://www.mcntv.al/sites/default/files/fbank31.gif" style="float:left" typeof="foaf:Image" width="600"></a></p> <p>Si Spaho, ashtu edhe Tabaku, thonë se mazhoranca po planifikon që nëpërmjet Komisionit të Posaçëm të drejtuar nga Fatmir Xhafaj, PS kërkon të shkrijë Kontrollin e Lartë të Shtetit dhe ILDKPI dhe të krijojë një gjykatë auditi ku të mund të emërojë njerëzit e saj të besuar.</p> <p>Ndërkohë sa i&nbsp;përket nënkomisionit që është ngritur në Komisionin e Ekonomisë, nënkryetarja e Komisionit të Ekonomisë, Sorina Koti, deklaroi se objekti i&nbsp;punës së tij nuk është kontrolli i&nbsp;KLSH por i&nbsp;institucioneve që nuk zbatojnë rekomandimet e KLSH.</p> <p>Një ditë më parë, Bashkimi Europian doli në përfundimin se rekomandimet e Kontrollit të Lartë të Shtetit, një organ i pavarur, nuk respektohen sa duhet nga institucionet. Sipas raportit vetëm 50% e rekomandimeve të lëshuara në vitin 2021 nga Institucioni i Kontrollit Shtetëror janë zbatuar plotësisht ose pjesërisht, thuhet në raport.</p> <iframe width="560" height="315" src="https://www.youtube.com/embed/0bV4nu2GuDM?si=5Bakr1xH3awXX3hZ" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>