Këshilli Politik e mbylli punën, por Reforma Zgjedhore nuk ka përfunduar ende. Drafti në anglisht i firmosur nga anëtarët e Këshillit Politik, është përkthyer nga eksperët dhe sot është zbërthyer dhe pika për ndryshimin e Komisionit Qendror të Zgjedhjeve. Ekspertët Ilir Rusmajli dhe Viktor Gumi, sqarohet se si do të ndërtohet piramida e re e organizimit të zgjedhjeve. Sipas draftit Komisioni Qendror i Zgjedhjeve përbëhet nga Komisioneri Shtetëror i Zgjedhjeve, Komisioni Rregullator dhe Komisioni i Ankimimeve dhe Sanksioneve.
Kryekomisioneri do të ketë një mandat 7 vjecar, do të zgjidhet nga Kuvendi me 84 vota, dhe do të marrë pagë sa gjyqtarët e gjykatës së lartë. Ai do ketë kompentenca drejtuese dhe do jetë përgjegjës për tenderat. Po ashtu, KQZ-ja e re do të ketë dhe dy komisione me kohë të pjesshme që do të përbëhen me nga 5 anëtarë që do të zgjidhen nga Kuvendi, dhe secili do të ketë nga një kryetar.
KQZ-ja do të ketë dhe një nënkomisioner, që siç është njoftuar nga Kryeministri, do ti besohet opozitës. Ai do të ketë një mandat 7-vjeçar, dhe kopetencë ekskluzive implementimin e teknologjisë për identifikimin biometrik dhe rekrutimin dhe trainimin e zyrtarëve zgjedhorë. Anëtarët aktualë të Komisionit Qendror të Zgjedhjeve, do të lirohen nga detyra ditën që Kodi i ri Zgjedhor do të hyjë në fuqi.
Anëtarët e të tre këtyre organeve duhet të votohen në Kuvend me shumicë të cilësuar prej 3/5 dhe nëse kjo nuk arrihet, atëherë hidhen në short, mes listës së kandidatëve që një Komision i Posaçëm i ka dërguar seancës.
Paraqitja e kandidaturave bëhet nëpërmjet vetofrimit ose propozimit nga grupet parlamentare ose deputetët e veçantë. Komisioni i posaçëm parlamentar vlerëson me pikë kandidatët që plotësojnë kushtet dhe kriteret e përcaktuara. Komisioni i paraqet Kuvendit për votim listën e kandidatëve, e cila përmban deri në 20 emrat e kandidatëve kalues, me vlerësimin më të lartë
Në përfundim, drafti që pritet të kalojë në Kuvend, kujdeset edhe për fatin e anëtarëve aktuale të KQZ-së, duke u lejuar të gëzojnë pagat aktuale, deri në përfundim të mandatit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
