Nga forumi në Bratislavë, kryeministri i Shqipërisë Edi Rama, ka komentuar sot mobilizimin e ushtrisë serbe në kufi me Kosovën.
Ai e ka cilësuar një shfaqje të pabesueshme të politikës së brendshme serbe.
Ushtria serbe në kufi është shfaqja më e pabesueshme e politikës së brendshme, sepse ushtria serbe në kufi të Kosovës ka fuqi të barabartë me zero. Çfarë mund të bëjë? Asgjë. Ka të bëjë vetëm me politikën e brendshme.
Rama bëri një krahasim me fuqinë e ushtrisë së Meksikës në Shtetet e Bashkuara të Amerikës, për të cilën tha se është e njëjtë si situata e lartpërmendur.
Rama ka folur edhe më herët për konfliktin, për të cilin ka theksuar se sa më shumë zgjatet aq më shumë lëndohet Kosova.
Në tryezë me Ramën ishte edhe kryeministri i Maqedonisë së Veriut, Dimitar Kovaçevski, i cili theksoi se sa i përket situatës midis Kosovës dhe Serbisë ai tha se duhet të respektohet marrëveshja.
“Marrëveshjet ndërkombëtare nuk mund të keqpërdoren nga politikat e brendshme”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
