Kur na ndajnë vetëm dy ditë nga nisja zyrtare e fushatës elektorale të zgjedhjeve 25 prillit, Komisioni Qendror i Zgjedhjeve ka miratuar fondin paraprak për partitë politike.
Sipas KQZ-së, Partia Socialiste është ajo që përfiton më së shumti të ardhura nga ky fond, 55.8 milionë lekë.
Partia Demokratike nga krahu tjetër do të përfitojë 33.3 milionë lekë.
Ndërkaq kanë përfituar edhe Lëvizja Socialiste për Integrim, për të cilën akordohen 18.9 milionë lekë, dhe PDIU që do të marrë 5.55 milionë lekë.
Sa i takon partive më të vogla në garë, Partia Republikane merr 3.9 milionë lekë, FRD merr 2.1 milionë lekë, Partia Social-Demokrate 1.6 milionë lekë, Lëvizja për Zhvillim Kombëtar 1.4 milionë lekë dhe Bindja Demokratike 1.4 milionë lekë.
KQZ bën me dije se fondi i buxhetit të shtetit për zgjedhjet e 25 prillit është dy herë më i madh se ai për zgjedhjeve e vitit 2017.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
