Ministri për Evropën dhe Punët e Jashtme Ditmir Bushati, gjatë ministerialit të OSBE-së, u takua me Ministrin për Evropën, Integrimin dhe Punët e Jashtme, njëkohësisht Kancelar i zgjedhur të Austrisë, Sebastian Kurz.
Biseda u përqëndrua tek perspektiva evropiane e Shqipērisë, duke pasur parasysh se Austria ka presidencën BE-së vitin e ardhshëm. Ministrat diskutuan gjithashtu për çështje të bashkëpunimit dypalësh dhe bashkëpunimin ekonomik. Bashkëbiseduesit u ndalën dhe tek aktivitetet e përbashkëta në kuadër të vitit kukturor Shqipëri-Austri 2018.
Ministri Bushati e njohu Kurz me reformat e ndërmarra nga qeveria shqiptare duke u ndalur sidomos tek reforma në drejtësi dhe proçesi i vettingut. Ai u shpreh se Shqiperia e shikon nisjen e bisedimeve për anëtarësim si fillimin e rrugëtimit evropian të vendit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
