Partia Socialiste i është përgjigjur opozitës për çështjen e marrëveshjes për Kodin Zgjedhor. Mësohet se marrëveshja do t’i prezantohet komisionit të ligjeve javën që vjen, në mënyrë që të hidhet në votim në seancën e 23 korrikut.
Në mbledhjen e grupit të Partisë Socialiste është thënë se mazhoranca respekton kërkesat e opozitës parlamentare për listat e hapura, pavarësisht se deri më tani dy takimet me kryeministrin Edi Rama kanë dështuar.
“Në mbledhjen e grupit të Partisë Socialiste ne i qëndrojmë vendimit për të zbatuar Marrëveshjen me opozitën nënshkruar më parë. Me plotësimin e afateve sipas procedurës parlamentare do prezantohet në kohë në komisionin e Ligjeve. Në dt 23 Korrik ne do të kemi vullnetin për të votuar Kodin Zgjedhor të ri sipas marrëveshjes. Ndërkohë, respektojmë vendimin e opozitës parlamentare në kërkesat e saj për përmirësimin e reformës zgjedhore në Shqipëri.”
Ditën e sotme PD ka reaguar lidhur me deklaratën e kryeministrit Edi Rama i cili ftoi për një tryezë tre palëshe sa i takon arritjes së konsensusit për reformën zgjedhore.
Në përgjigjen zyrtare për kryeministrin, PD shprehet se nuk është kundër diskutimit për rishikimin e sistemit zgjedhor, por kjo kërkon një reformim të plotë të sistemit kushtetues për të cilën PD ka një propozim konkret.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
