Dy kandidatë të tjerë kanë pranuar sot mandatin e deputetit, pasi kanë dorëzuar formularin e vetëdeklarimit pranë Komisionit Qëndror Zgjedhor. Ata janë Andi Përmeti, anëtar i kryesisë së Forumit Rinor të PD dhe Eugen Bojaxhi nga radhët e LSI i cili ka garuar në zgjedhjet e shkuara në listën e qarkut të Beratit.
Ndërkohë po sot, Komisioni Qendror i Zgjedhjeve iu ka dhënë mandatin dy deputetëve nga lista shumëemërore e Partisë Demokratike në qarkun e Dibrës dhe atë të Korçës. Bëhet fjalë për Halil Jakimin, për qarkun e Dibrës dhe Arlind Çaçanin, kryetar i Forumit Rinor në Ersekë dhe kandidat në listën për qarkun e Korçës.
Bashkë me ta shkon në 104 numri i deputetëve në Kuvend, ndërkohë që opozita e re bëhet me 25 deputetë.
Pas marrjes së mandatit nga KQZ ata do të betohen në Kuvend.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
