Deputeti i Partisë Demokratike, Agron Shehaj shkoi këtë të martë në zyrën e kryetarit të Këshillit Kombëtar të PD-së, Edi Paloka, për të verifikuar firmat e delegatëve demokratë të depozituara nga ish-kryeministri Sali Berisha.
Pas verifikimit, Shehaj u shpreh se 98% e delegatëve që kanë firmosu, i kanë konfirmuar plotësimin e formularit. Teksa shprehet se mbledhja e Kuvendit nga firmëtarët është legjitim, ai konfirmon pjesëmarrjen në Kuvendin e datës 11 dhjetor.
“Sot verifikova personalisht firmat e dorëzuara për mbledhjen e Kuvendit në datën 11 Dhjetor në degët 5 dhe 7 në Tiranë, ku jam drejtues politik dhe i zgjedhur.
Më shumë se 56% e delegatëve të degës 7 dhe 58 % e degës 5 kanë firmosur për Kuvendin e datës 11 Dhjetor.
98% e delegatëve që kanë firmosur, me të cilët arrita të flisja, konfirmuan që kanë plotësuar formularin.
Mbledhja e Kuvendit nga firmëtarët është legjitime, ndaj në respekt të vullnetit të demokratëve, do marr pjesë në Kuvend.
Përplasja dhe përçarja në Partinë Demokratike zgjidhet vetëm përmes votës në Kuvend.
Shmangia e ballafaqimit me anëtarët vetëm do thellojë përçarjen dhe dobësojë opozitën.”, u shpreh Shehaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
