Kryetarja e LSI-së Monika Kryemadhi me anë të një video përmbledhëse nga Konventa që u mbajt djë në Pallatin e Sportit ‘Asllan Rusi’, ka paralajmëruar aksion opozitar. Sipas saj, tashmë ka ardhur koha që shqiptarët të kenë një qeveri të re.
Mes të tjerash ajo shton se LSI ka marrë marshimin politik për të çliruar shqiptarët nga makthi i drogës.
“Ky është aksioni për të shpëtuar Shqipërinë dhe shqiptarët. Prandaj ne si LSI kemi marrë vendim për të nisur pa kthim pas marshimin tonë politik për të çliruar shqiptarët nga makthi i drogës, i krimit, i varfërisë, i papunësisë dhe pabarazisë. Ekonomia shqiptare është e sëmurë nga varfëria, nga keqqeverisja, nga korrupsioni galopant. Ky është vetëm fillimi i fundit të saj. Sot gongu ra. Është emergjencë kombëtare krijimi i një qeverie të re, një qeveri antimafia që rikthen stabilitetin. Asnjë njeri nuk mund të blejë dot zemrën, shpresën, dhe pasionin e një anëtari dhe një votuesi të Lëvizjes Socialiste për Integrim”, thuhet në videomesazhin e Kryemadhit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
