Drejtori i portit të Shëngjinit që sot nuk do të jetë më Gjovalin Tusha, nga radhët e LSI-së. Me vendim qeverie në vend të tij është emëruar Ermal Pacaj, kryetar i FRESSH-it për Lezhën.
Në një vështrim të shpejtë në profilin e tij në Facebook vihet re se Pacaj është edhe një njeri i afërt me ish-deputetin socialist, Arben Ndoka, postimet e të cilit i ndan po u kursyer në profilin e tij.
Drejtori i ri i portit të Shëngjinit, me sa duket shpërndan çdo postim të Ndokës, që nga statusi i bërë prej tij pas deklaratave të ambasadorit Lu, që e përmendi si shembullin e lidhjes së politikës me krimin.
Në një postim tjetër ai shkon më tej dhe e krahason ish-deputetin Ndoka me një personazh të njohur të letërsisë botërore, Zhan Valzhanin e Viktor Hygojt.
“T’gjithe e njohim dhe e duam Valzhanin e Hygoit, personazhi i vepres monumentale “Te Mjeret”, te cilin Zhaveri e hetoi, e ndoqi dhe e luftoi, por nuk e mundi dot. Dhe me te njejten babezi si te Zhavierit , te padrejtet ne emer te drejtesise, hajdutet ne emer te ndershmerise dhe politika ne t’pa emrin e saj e luftuan edhe Benin”, shkruan Pacaj në Facebook.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
