Qeveria e Kosovës ka miratuar buxhetin për vitin 2022, dhe në kuadër të këtij buxheti ka ndarë dy milionë euro ndihmë për Luginën e Preshevës.
“Për herë të parë kemi miratuar nga buxheti mbështetje për Luginën e Preshevës, në shumë prej 2 milionë euro”, tha kryeministri Albin Kurti.
Ndërsa, kjo ndarje është mirëpritur nga liderët politikë në Luginë.
Kryetarja e Preshevës, Ardita Sinani, e ka quajtur lajm të mirë ndarjen e 2 milionë eurove për Luginën.
“Lajm shumë i mirë njoftimi i Kryeministrit i Republikës së Kosovës, z.Albin Kurti, për buxhetimin prej 2 milion euro për Luginën e Preshevës. Kjo mbështetje merr vlerë të shtuar nga fakti se Lugina e Preshevës bëhet pjesë përbërëse e buxhetit të Republikës së Kosovës”, shkruan ajo në Twitter.
E për këtë çështje ka reaguar edhe ish kryetari i Preshevës, Shqiprim Arifi.
“Ka vite që kam kërkuar me këmbëngulje që Lugina, të jetë pjesë e planifikimit buxhetor të Kosovës.
Mirëpo, pas shumë viteve të anashkaluar në kërkesa, Lugina Preshevës tanimë pjesë e planifikimit buxhetor të Kosovës me 2 milionë euro për vitin 2022 nga =QeveriaKurti. Bashkë jemi më të fortë”, shkruan ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
