Ish prokurori Eugen Beci, në emisionin "Të Paekspozuarit" në MCN TV, u shpreh se Këshilli i Mandateve ka dhënë autorizimin për heqjen e imunitetit të Sali Berishës, në mënyrë që SPAK të kërkojë në gjykatë masën arrest me burg ose arrest në shtëpi për të, pasi nuk iu bind masës së parë detyrim paraqitje.
Ai tha se në rast se Berisha do të thyejë masën e arrestit në shtëpi, atij thjesht do t'i shtohet një vepër tjetër penale, ndërsa theksoi se fatkeqësisht do të merren edhe policët për shpërdorim detyre.
Gjykata kur cakton masën e sigurimit, cakton edhe kushtet dhe kriteret, me policë apo pa policë, kë mund të takojë, etj. Gjykata e vendos këtë. Ai duhet të deklarojë banesën ku do të qëndrojë, duhet ose certifikatë pronësie ose kontratë qiradhënie. Nëse Berisha del, do të thotë që ti shtohet një vepër tjetër penale. Fatkeqësisht do të marrin edhe policët për shpërdorim detyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
